بیرتان ده‌كه‌م

  ئه‌م شه‌و...

  سه‌رینه‌كه‌م وه‌نه‌وزێكی خه‌مه‌
  دۆشه‌كه‌كه‌م...

  سه‌را بستانێكی ته‌مه‌
  خه‌ویش به‌ومه‌ستی چاومه

 ‌ له‌گه‌ڵ گریانا هاوڕامه‌

 
  بیرتان ده‌كه‌م... بیرتان ده‌كه‌م

  له‌و ڕۆژه‌وه‌ی كه‌ به‌ دوای مندا

  جامه‌ ئاوه‌كه‌تان ڕژاند
  تینووم ناشكێ و بیرتان ده‌كه‌م
  هه‌ر دیوه‌خانی قورگی...

  پڕ له‌ گریانم بوو شه‌و چه‌ره‌ی
  هه‌نسكی تیا دانرا
  هه‌ر كه‌له‌گی ڕۆحی من بوو

  تاریك و تونك...
  هه‌ر چرای تیا دا نه‌گیرسا
  حه‌وشه‌ی دڵم

  بیابانێكی لماوی  
  ڕێبوارێك له‌ تینوانا خنكا
  دایه‌ گیان ...

  ئه‌م شه‌و...

  هه‌ر خه‌مه‌ سه‌ر هه‌ڵده‌دا له‌م دڵه‌مدا
  په‌نجه‌ی ساردو سڕت بێنه‌

  بینێ به‌سه‌ر ڕوومه‌تمدا
  زۆر ده‌مێكه‌ سه‌ره‌ شێته‌كه‌م تینووه‌

  بۆ سه‌ر سنگی گه‌رمت
  بم لاوێنه...‌

  به‌ هه‌ناسه‌ی شیرینی ئاڵی خه‌مت
  دایه‌ گیان

  بۆنت ده‌كه‌م

  بیرت ده‌كه‌م

 ماچت ده‌كه‌م

 هه‌ر شه‌وانه‌

  به‌ بیری تۆ هه‌موو خه‌مه‌كانم فه‌رامۆش كه‌م
  له‌ دوره‌وه‌ بۆ هه‌ناسه‌ی

  تراویلكه‌ی ماچێكی ده‌می تۆ دڵم خۆش كه‌م

 
  بیرتان ده‌كه‌م... بیرتان ده‌كه‌م

  بابه‌ گیان...

  دێم بۆ لای كێله‌كه‌ی تۆ
  دێم و هه‌ڵده‌وه‌رێنم

  فرمێسك به‌ كوڵ له‌سه‌ر گۆڕه‌كه‌ی تۆ
  دێم و ده‌گریم...

  ڕووی ترسنۆكیم و شه‌رمه‌نده‌یم ده‌سوم
  له‌ مه‌زاری لا ڕووخاوی گه‌وره‌یی تۆ
  بابه‌ گیان بم بوو‌ره‌ ...
  هه‌ر هه‌ورێك من چوومه‌لای

  له‌ ڕاستی دا سایه‌قه‌ بوو
  هه‌ر شمشێرێك ده‌ستم دایه‌ كول بوو
  بۆ به‌د به‌ختی من ترسنۆك بوو   
  بابه‌ ده‌گریم...

  به‌ گڵكۆتا دێمه‌ خوارێ
  به‌فرمێسكم ئاوپرژێنی گڵی ووشكی سه‌رگۆڕت كه‌م

  بیرت ئه‌كه‌م ... بیرت ئه‌كه‌م

 
  بابه‌ گیان...

  دوای تۆ هه‌موو په‌رژینی باخه‌كانیان شكاند
  هه‌رچی داری مزره‌ سێو و هه‌رمێ لا سوره‌كان و هه‌ڵوژه‌ و
  ئالًَوباڵوه‌كان بوو هه‌موو یان سوتاند
  بابه‌ گیان...

  به‌ ڕۆشتنت قشقه‌ڕه‌ هاته‌ سه‌رماڵه‌كان
  بوكه‌ شوشه‌ی مندالاَنیان هه‌موو شكاند
  چێشته‌ قولێ ی منالاَنی هه‌ژارانیان سوتاند
  باڵی په‌پوله‌ كانیان هه‌ڵكه‌ند

  داوێنی ئافره‌تانیان به‌زاند
  ئه‌وان هه‌وری ڕه‌شی خه‌میان هێنا
  وه‌ك شه‌سته‌ی ڕه‌هێڵه‌ و باوباران ڕژاندیان به‌سه‌رماندا
  بابه‌ گیان...

  لێم ببوره‌ دیسانه‌وه‌
  چاوه‌ڕوانی گزنگی به‌ره‌به‌یانی كازێوه‌ ده‌كه‌م
  په‌یمان ده‌ده‌م...

  وه‌ك هه‌ڵۆیه‌كی چنگ ( ژیوان )
  وه‌ك پڵنگێكی تیژ ڕه‌وی مه‌غۆلیه‌كان
  دڵنیا به‌ هه‌ڵمه‌ت ده‌به‌م
  وه‌ك بومه‌له‌رزه‌ هه‌پرون هه‌پرونیان ده‌كه‌م
  وه‌ك په‌یكه‌ری ( لات و مه‌نات و عوزا )

  ووردو خاشیان ده‌كه‌م
  ئه‌م جاره‌یان كه‌ گه‌ڕامه‌وه‌

  له‌ جیاتی گریان چڵه‌ نێرگسێك داده‌نێم
  له‌ كۆتایدا هه‌ر له‌سه‌ر گڵكۆكه‌ت ده‌ستی نزام به‌رز ده‌كه‌م
  بۆ خوای كردگاری بوون
  به‌ڵكو له‌ به‌هه‌شته‌كه‌ی خۆیدا جێگایه‌كت بۆ دابین كه‌ن

                          ماکوان